Амирхон Алихўжаев билан тўқнаш келган Даниил Донченко UFC'га ўтди, у илк жангини Қатарда ўтказмоқчи

У The Ultimate Fighter 33 шоусининг ярим ўрта вазн тоифасидаги беллашувларида иштирок этиб, ғалаба қозонган эди. Шундан кейин Донченкога UFC шартномаси берилди.

Даниил мазкур Лигадаги илк жангини Қатарда ўтказиш ниятида:

"Ажойиб старт. Энди ўйинга қайтиш вақти келди! Мен каттароқ жангларга ҳам тайёрман. UFC Qatar ёки UFC 323. Янада кўпроқ қонли жанглар кўрсатиш ниятидаман", деб ёзган спортчи.

Маълумот учун, Даниил Донченко фаолияти давомида ҳозиргача 14 та жанг ўтказиб, 12 та ғалаба ва 2 та мағлубиятни ўз ҳисобига ёздирган. У 2023 йилнинг март ойида Naiza 50 турнири доирасида ҳамюртимиз Амирхон Алихўжаев билан жанг қилиб, муддатидан аввал ғалаба қозонган эди.