07 мар 10:55
Янгиликлар

Бокс/ММА

Амманда AIBA форуми ташкил этилди ФОТОГАЛЕРЕЯ

Амманда AIBA форуми ташкил этилди Хабарингиз бор, шу кунларда Иордания пойтахти Амман шаҳрида Осиё/Океания боксчилари учун Токио Олимпиадасига лицензия тақдим этувчи мусобақа ўтказилмоқда.

Ушбу мусобақа доирасида 6 март куни минтақавий форум ташкил этилди. Унда Осиё бокс конфедерациясига аъзо федерациялар мутасаддилари иштирок этишди.

Форумда юртимиз номидан Ўзбекистон Миллий олимпия қўмитаси Бош котиби Ойбек Касимов, Ўзбекистон бокс федерацияси раисининг биринчи ўринбосари Сакен Полатов ҳамда бокс федерацияси мутасаддилари қатнашишди.

Форум давомида AIBAнинг вақтинча президенти Доктор Муҳаммад Мустазан ўз фикрларини билдирар экан, AIBA мустақил ташкилот эканлиги, федерациялар биргаликда катта куч эканлигини таъкидлаб ўтди. Форумда AIBAда маркетинг йўналиши бўйича тақдимот ташкил этилди, турли масалалар юзасидан муҳокамалар бўлиб ўтди.