14 мар 11:55
Янгиликлар

Бокс/ММА

Ана бўлмаса! Чарльз Оливейра UFC 300 турниридаги жанги олдидан жароҳат олди + ФОТО

Енгил вазн тоифасида собиқ UFC чемпиони Чарльз Оливейра 14 апрель куни UFC 300 юбилей турнирида жанг қилишидан хабарингиз бор, албатта.

Аммо ижтимоий тармоқларда Оливейранинг машғулот чоғида қошидан жароҳат олгани акс этган суратлар тарқалди. Суратда унинг қошига бир нечта чок тушганини ҳам кўриш мумкин. Ҳозирча лига унинг жанги бекор қилиниши ҳақида ҳеч қандай хабар бермаган.

Маълумот учун, Чарльз Оливейра Лас-Вегасда бўлиб ўтадиган UFC 300 турнири доирасида арманистонлик Арман Царукянга қарши октагонга кўтарилади.