03 июн 12:47
Янгиликлар

Теннис

Андижон “Фьючерс”. Ликина - бош мукофот соҳибаси!

Андижон шаҳрида ўтказилаётган “Фьючерс” туркумига кирувчи хотин-қиз теннисчилар ўртасидаги турнир ўз ниҳоясига етди.

Соврин жамғармаси 25 000 АҚШ долларини ташкил қилувчи ушбу мусобақанинг яккалик баҳсларида россиялик Ксения Ликина бош мукофот соҳибасига айланди. Соф русча ўтган финалда Ликина ватандоши Анастасия Фроловага қарши кортга чиқди.

Икки соату 28 дақиқа давом этган финал учрашувида Ликина дугонасини 6:4, 3:6, 6:4 ҳисобида мағлуб этди. Ликина турнирда тўртинчи рақам остида ҳаракат қилган эди. Фролова ярим финалда ҳамюртимиз Оқгул Омонмуродовадан устун келганди.