30 май 15:04
Янгиликлар

Теннис

Андижон “Фьючерс”. Сабина чорак финалда, Лайлода мағлубият

Андижон шаҳрида ўтказилаётган теннис бўйича мукофот жамғармаси 25 000 АҚШ долларидан иборат “Фьючерс” турнири ўзининг қизғин палласига кириб боряпти.

Хотин-қиз теннисчилар ўртасидаги турнирда биринчи рақам остида таснифланган Сабина Шарипова чорак финал чиптасини қўлга киритди. Ҳамюртимиз иккинчи давра учрашувида россиялик Валерия Уржумовани 6:7(6), 6:4, 6:3 ҳисобида мағлуб этди.

Энди Шарипова чорак финалда турнирнинг бешинчи ракеткаси Валерия Страховага қарши кортга чиқади. Украиналик бу теннис бугун иккинчи босқичда ҳамюртимиз Лайло Баҳодировага ҳеч қандай имконият қолдирмади - 6:2, 6:0.