24 июн 16:07
Янгиликлар

Бокс/ММА

Андижонда ўтказиладиган Mangu 4 турнирининг марказий жанги расман эълон қилинди + ПОСТЕР

Хабар берганимиздек, ММА бўйича Mangu Лигаси ўзининг навбатдаги турнирини Андижон вилоятида ташкил этади.

Август ойида бўлиб ўтадиган мазкур мусобақага Андижон шаҳридаги "Универсал" спорт саройи мезбонлик қилади.

Ташкилотчиларнинг маълум қилишича, оқшомнинг марказий жанги ўзбекистонлик таниқли аралаш яккакураш устаси Хотамбек Бойназаров ва Португалия вакили Ренжел де Са ўртасида кечади.

Аслида, мазкур қарама-қаршилик 6 июнь куни Самарқандда бўлиб ўтган Mangu 3 турнирида ўтказилиши керак эди. Аммо Бойназаровнинг жанг олдидан соғлиғида муаммолар пайдо бўлгани бунга тўсқинлик қилганди.