Mangu 6 турнири учун чемпионлик жанги тасдиқланди + ПОСТЕР

Таниқли аралаш яккакураш устамиз Муҳиддин Мамажонов (10-2-1)нинг рақиби россиялик Камал “HULK” Гусейнов (9-2-0) билан ҳисоб-китоб қилади. Ушбу жанг чемпионлик мақомида бўлади. Иккинчи ҳамюртимиз Mangu Лигасининг чемпионлик камарини қўлга киритиш учун уриниб кўради. Mangu 5 турнирида Фурқатбек Ёқубовнинг чемпионлик учун ўтказган жанги омадсиз якунланган эди. Энди бу имкониятдан Муҳиддин Мамажонов фойдаланишга уриниб кўради. 

Эслатиб ўтамиз, Мамажонов 26 сентябрь куни Тошкентда ўтган Mangu 5 турнирида россиялик тажрибали Магомед Салиевни уч раунд тўлиқ давом этган жангда очколар ҳисобига кўра мағлуб этганди. Муҳиддин фаолияти давомида 13 та жанг ўтказиб, 10 та ғалаба, 2 та мағлубият ва 1 та дуранг қайд этган. Камал Гусейнов ҳисобида эса 9 та ғалаба ва 2 мағлубият бор. "Халк" тахаллусли билан октагонга чиқувчи Гусейнов аввалроқ, ҳамюртларимиз Жаҳонгир Жумаевни очколар ҳисобига кўра, Мавлонбек Миркомилов ҳамда Давлатбек Ҳожиевни эса нокаут эвазига таслим этганди.