Андрес Иньеста шарафига у туғилган шаҳарда ҳайкал қад ростлади + ФОТО

Таниқли ҳайкалтарош Хавьер Морено ярим ҳимоячининг 2010 йил Жанубий Африкада бўлиб ўтган ЖЧ-2010 финалида Нидерландияга қарши ўйинда (1:0) Испания терма жамоасига ғалаба келтирган голидан илҳомланган. Санъат асари "Карлос Белмонте" стадиони яқинида ўрнатилди.

Ўз шаҳрининг элчиси бўлган 40 ёшли футболчи тадбирда иштирок эта олмади, аммо миннатдорлик видеосини йўллади.

"Бу воқеа мени жуда таъсирлантирди. Мен шаҳримга, оиламга ва фаолиятим давомида мени қўллаб-қувватлаган барча инсонларга миннатдорлик билдираман. Альбасете фарзанди эканлигим мен учун катта шараф.

Ушбу санъат асари муаллифи мен ва футболимиз учун катта аҳамиятга эга бўлган бир лаҳзадан илҳомланган. Биз барчамиз бу голдан хурсанд бўлганмиз ва энди доим шу лаҳзанинг бир қисмини ҳис қилишимиз мумкин", деди испаниялик футболчи.