Андрей Рублёв бош совринни бегона қилмади + ФОТО

Бир ҳафта давом этган St.Petersburg Open турнири мезбон теннисчининг иродали ғалабаси билан якунланди. Дунёнинг 10-ракеткаси бўлиб турган Андрей Рублёв ҳал қилувчи финал учрашувида рейтингнинг 27-поғонасидан жой олган хорватиялик Борна Чорични мағлубиятга учратди - 7/6(5), 6/4.

Рублёв 2/5 ҳисобида ортда бора туриб, биринчи сетни ўз фойдасига ҳал қилишга муваффақ бўлди. Ўзаро учрашувлардаги ҳисоб ҳам йириклашди - 3:0. Питердаги муваффақиятли иштирок Андрейга $92,870 мукофот пули ҳамда 500 рейтинг очкосини тақдим этди. Бу унинг фаолиятидаги олтинчи, мавсумдаги тўртинчи соврини бўлди.