17 апр 11:51
Янгиликлар

Теннис

Андрей Рублёв Монте-Карло "Мастерс" ғолиби!

Теглар : Андрей Рублев Monte-Carlo Masters

Дунёнинг олтинчи ракеткаси Андрей Рублёв нуфузли Монте-Карло "Мастерс" турнири бош совринини қўлга киритди.

Россиялик теннисчи 2 соату 36 дақиқа давом этган финал баҳсида ATP рейтингида 9-ўринни эгаллаб турган даниялик Хольгер Рунени 5/7, 6/2, 7/5 ҳисобларида мағлубиятга учратди.

Теннисчиларнинг ўзаро учрашувларида Рублёв ҳисобда олдинга чиқиб олди - 2:1. Андрей 5, Хольгер эса 6 та эйс зарбасини амалга оширган. Ҳал қилувчи учинчи сетда 1/4 ҳисобида ўйинни бой бераётган Рублёв камбекни амалга ошира олди.

Бу унинг фаолиятидаги 13-соврин бўлди. Монте-Карлодаги муваффақиятли иштирок Рублёвга 1000 рейтинг очкоси ҳамда 892,590 евро мукофот пули келтирди. Руне эса 600 очко ва 487,420 евро ишлаб олди.