Англиядаги стадионда Ўзбекистон байроғи + ФОТО

Ўйинда мезбонлар 2:1 ҳисобида ғалаба қозонишди. Ришарлисон ва Сигурдссоннинг голларига фақатгина меҳмонлар Ихеаначонинг бир голи билан жавоб қайтара олишди холос.

Англия Премьер-лигаси ўйинларида кўряпмизки, стадиондаги секторларда клубларнинг ҳомийлари акс этган катта рекламалар секторларга жойлаштирилиб чиқилмоқда.

Эътиборлиси, "Эвертон" ва "Лестер" ўйинида секторлардан бири Ўзбекистон байроғи учун ажратилган.

Эслатиб ўтамиз, асли ўзбекистонлик бўлган бизнесмен Алишер Усмонов ("USM Holding" таъсисчиси) "Эвертон"нинг янги стадиони номланиш ҳуқуқини ҳам сотиб олган. Ливерпуль клуби ва компания ўртасидаги битим 30 миллион фунтга тузилган. "Эвертон" ҳозирда ўз уй учрашувларини 1892 йилда очилган "Гудисон Парк"да ўтказади.