UZ

Сўнгги янгиликлар

20:46“Great Silk way-2024”. Боксчиларимиз турнирни умумжамоа ҳисобида биринчи ўринда якунлашди 0 19:50Дана Уайт Конор Макгрегорнинг камчилиги ҳақида гапирди 0 19:28Оливейра нима учун Царукян билан жангга рози бўлганини айтди 0 19:06Хавининг дисквалификацияси бўйича апелляция рад этилди 0 18:45Жаҳонгир Нажмиддиновнинг Анвар Азизли билан жанги бўйича берилган апеллация натижаси қандай бўлди? 0 18:23Новак Жокович грунт мавсумга тайёргарликни бошлади 0 18:02Оливейра Царукянга маслаҳат берди 0 17:41Хави «Барселона»да қолиши мумкин, бироқ бош мураббий сифатида эмас 0 17:18Дзюдо. Анталия "Катта Дубулға" турнирига қуръа ташланди, ҳамюртларимизнинг илк рақиблари билан танишинг 0 16:58Нигина Абдураимова Словенияда чорак финалга чиқди 0 16:37Адесанья UFC 305 турнирининг марказий жангида октагонга кўтарилиши мумкин 0 16:16Месси: "ЖЧ-2022да ғолиб бўлмаганимизда, мен терма жамоадан кетардим" 0 15:54Жасур Алижанов МPL 9 нинг санаси ва манзилини очиқлади 0 15:32Тошкентда шахмат бўйича "Георгий Агзамов хотира турнири" старт олди 0 15:11UFC россиялик аралаш яккакураш усталари ўртасидаги қизиқарли жангни эълон қилди 0

26 июл 12:50
Янгиликлар

Футбол

АПЛ. Бугун сўнгги тур. МЮ ва "Челси"нинг тақдири ҳал бўлади

Бугун Англия Премьер-лигасининг 38-тур ўйинлари бўлиб ўтади.

Бугун бутун дунёнинг эътиборида "Лестер" - "Манчестер Юнайтед" ҳамда "Челси" - "Вулверхэмптон" учрашувлари бўлади. Ўз навбатида биз ҳам фокусни шу томонга қаратамиз.

"Лестер" - "Манчестер Юнайтед"
1-даврадаги ўйин:
1:0 ("Манчестер Юнайтед" фойдасига)


Манкунианликлар ўтган йилнинг сентябрь ойидан буён илк марта 3-ўринга кўтарилиб олди. Аслида бу ҳолат 36-турда юз бериши мумкин эди, бироқ жамоа ўз майдонида "Саутгемптон"ни мағлуб эта олмади. Сульшер таркибда ротацияга унчалик қўл урмаяпти, 5 кун ичида Магуайр, Фернандеш каби етакчи футболчилар 90 дақиқадан 3та ўйинни ўтказишди. Шунингдек, ушбу мавсумда Давид де Хеанинг ўйинлари ҳам ўхшамаяпти.

Агарда ушбу ўйинда мезбонлар ғалабага эришса, келаси мавсумда ЕЧЛда ўйнайди. Агарда дуранг қайд этилса, "Лестер" "Челси"нинг натижасига қараб қолади, МЮ эса камида саралаш йўлланмасини ҳал қилади. Ҳар қандай ҳисобдаги ғалаба манкунианликларга 3-ўринда қолишига сабаб бўлади.

Умуман олганда МЮ, "Челси" ва "Лестер" жамоаларининг голлар фарқида фақатгина лондонликларнинг натижаси ёмон, +13, қолган икки жамоада эса бу натижа +28ни ташкил қилади. Лекин "Челси"нинг ҳозирги ҳолати нисбатан яхшироқ. Бу ҳақда батафсил тўхталамиз.

Тахминий таркиблар -
"Лестер": 
Шмейхель - Жастин, Эванс, Морган, Томас - Ндиди, Чудхури, Тилеманс - Перес - Варди, Ихеаначо.
"Манчестер Юнайтед": Де Хеа - Ван-Биссака, Линдельоф, Магуайр, Уильямс - Матич, Погба, Фернандеш - Рэшфорд - Гринвуд, Марсьяль.

Танганинг нариги томонига назар ташласак, МЮнинг сўнгги ўйинларида пасайиш кузатилмоқда. Оддий рақиблар билан ўйинларда ҳам очколар йўқотилмоқда. Агарда жамоа бугун мағлуб бўлиб, ЕЧЛ йўлланмасидан қуруқ қолса, эътиборини Европа лигасига қаратишга мажбур бўлади.

Йўқотишларга келадиган бўлсак, бугунги баҳсни манкунианликлардан Эрик Байи ўтказиб юбориши аниқ бўлиб улгурган. У "Челси" билан ўйинда бошидан жиддий жароҳат олганди. Шунингдек, Люк Шоунинг ўйинда қатнашиши сўроқ остида қолган.

"Лестер"да эса йўқотишлар анчагина салобатли номларни ўз ичига олган: Фукс, Чиллуэлл, Мэддисон, Перейра, Амарти ва Олбрайтон каби футболчиларда жароҳатлар бор, Суюнжу эса ўтган турда қизил карточка олиб, дисквалификацияга учраган.

"Челси" - "Вулверхэмптон"
Биринчи даврадаги ўйин
: 2:5 ("Челси" фойдасига)


"Челси" узоқ муддат давомида 3-ўринни ҳеч кимга бермади, ҳатто 4-поғонадаги рақибидан 10 очкогача ўзиб кетган пайти ҳам бўлди. Бироқ Лэмпард барқарор жамоа туза олмагани сабабли мағлубиятлар тез-тез кузатилиб турди. Жамоа бир ҳафта олдин "Манчестер Юнайтед"ни мағлуб этиб, Англия Кубоги финалига йўлланма олганди. Бироқ АПЛнинг сўнгги 3 ўйинида лондонликлар 2 марта мағлуб бўлишди.

Юқорида таъкидлаганимиздек, "Челси"нинг ЕЧЛга чиқиш учун имкониятлари МЮ ва "Лестер"дан кўра яхшироқ. Бу йўлда "аристократлар"га 1 очко етади. Шу орқали улар камида 4-ўринни нақд қилишади. Мағлубиятга учраса клуб тақдири нариги учрашув натижасига боғлиқ бўлиб қолади. Шу орқали "Челси" ЕЧЛ йўлланмасидан ҳам қуруқ қолиши мумкин.

АПЛда ўйинлар кетма-кет бўлаётганини инобатга олсак, барча футболчилар чарчаган ва ўйинларда ҳар қанда натижа бўлиши мумкин, олдиндан бирор нимани тахмин қилиб бўлмайди. "Челси" эса кейинчалик финални ўйнаши учун ҳам куч сақлаб қолиши керак бўлади.

Тахминий таркиблар -
"Челси": 
Аррисабалага - Рюдигер, Зума, Аспиликуэта, Алонсо - Жоржиньо, Ковачич, Жеймс, Виллиан - Жиру, Пулишич.
"Вулверхэмптон": Патрисиу - Боли, Коади, Саисс, Доэрти - Невеш, Жонни, Моутиньо, Дендонкер - Хименес, Поденс.

"Челси"да яхшигина йўқотишлар бор: Канте ва Баркли каби футболчилар анчадан буён майдонга тушмаяпти. "Бўрилар" эса ўйинда жанговар таркиб билан ўйнаши кутилмоқда.

Шунингдек, АПЛдан тушиб кетадиган бир жамоа номи аниқ бўлмаган. Бу номга "Астон Вилла" ёки "Уотфорд" "эришиши" мумкин. Гап шундаки, икки жамоа ҳам Лондонда меҳмон бўлишади ва мос равишда "Вест Хэм" ҳамда "Арсенал" синовидан ўтишади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг