АПЛ. Янги мавсумда ҳакамлар ЖЧ-2022даги каби таймларга кўпроқ вақт қўшишади

"Sky Sports" хабарига кўра, ҳакамлар вақтни чўзишлар ва қарорга қарши чиқишлар учун жазо чораларини кучайтириш бўйича тавсиялар олишган. Ўйинларга 2022 йилги Жаҳон чемпионати услубида кўпроқ вақт қўшиш амалиёти жорий қилинади.

Охирги жаҳон биринчилигида ҳакамларга тўп ўйиндан ташқарида қолган барча дақиқаларни қоплаш бўйича тавсиялар берилган эди: VAR, жарима зарбалари, баҳслар, пенальтилар ва бошқалар. Сарфланган вақт захира ҳаками томонидан ҳисобга олинади.