АҚШ сафидаги ҳамюртларимиз Гулруҳбегим Тоҳиржонова ҳамда Тимур Гареев қандай натижа қайд этмоқда?

Бугун мусобақанинг рапид йўналиши ўз якунига етади.

Кун давомида эркаклар 10-13, аёллар эса 9-11-турларда иштирок этади.

Чемпионатда асли ўзбекистонлик Тимур Гареев ҳамда Гулруҳбегим Тоҳиржонова АҚШ сафида ҳаракат қилмоқда.

35 ёшли Гареев 9 та имкониятдан 5 очко жамғарди, у айни дамда 65-ўринни эгаллаб турибди. Тимурнинг натижаси АҚШ шахматчилари орасидаги энг яхши тўртинчи натижа бўлиб турибди.

Гулруҳбегим Тоҳиржонова эса 8 та раундда 4 очко ишлашга муваффақ бўлди. У мусобақа жадвалида 52-ўринни банд этиб турибди.

Бугун Тимур Гареев 10-раунд доирасида австралиялик Антон Смирновга қарши баҳс олиб борса, Гулруҳбегим Тоҳиржонова 9-партияда Болгария вакиласи Гергана Пейчева билан ўйнайди.