06 янв 08:57
Янгиликлар

Теннис

АҚШ терма жамоаси United Cup 2025 ғолиби!

Австралия Очиқ чемпионати олдидан ўтказилган анъанавий United Cup турнири АҚШ терма жамоасининг ғалабаси билан якунланди.

Ҳал қилувчи финал учрашувида АҚШ ва Польша терма жамоалари ўзаро тўқнаш келди. Чемпион номини аниқлаб берган баҳсда дунёнинг тўртинчи ракеткаси америкалик Тэйлор Фритц ATP рейтингида 16-ўринни эгаллаб турган польшалик Хуберт Гуркачни иродали тарзда мағлубиятга учратди - 6/4, 5/7, 7/6(4).

Теннисчиларнинг ўзаро учрашувларида Фритц катта фарқ билан олдинда бормоқда - 4:1. Икки соату 18 дақиқа давом этган баҳсда Фритц 13, Гуркач 17 та эйс зарбасини амалга оширган. Иккала ракетка устаси ҳам 1 тадан брейкдан фойдаланган.

Шу тариқа, АҚШ терма жамоаси финалда Польшани умумий 2:1 ҳисобида таслим этиб, United Cup чемпионига айланди. Америкалик теннисчилар 2023 йилда ҳам бош соврин соҳиби бўлишганди. Ўтган йили эса чемпионлик Германия терма жамоасига насиб қилган эди.