АҚШда оғир атлетика бўйича жаҳон чемпионати бошланди

Дунёнинг юздан зиёд давлатидан энг сара атлетлар иштирок этадиган йилнинг энг нуфузли мусобасида Ўзбекистон терма жамоаси полвонлари ҳам ўз маҳоратларини намойиш этишади. Анахаймда 10 нафар спортчимиз (8 нафари эркаклар, 2 нафари аёллар) супачага чиқади.

Рио Олимпиадасидан сўнг бирорта ҳам мусобақада чиқиш қилмаган Олимпиада чемпиони ва рекордчиси Руслан Нуриддинов АҚШдаги жаҳон чемпионатида иштирок этмайди. Руслан декабрь ойидангина машғулотларни бошлайди. 

Терма жамоамиз делегацияси 26 ноябрь куни океан ортига жўнаб кетган эди. Биз эса дунёнинг энг сара атлетлари иштирокида бўлиб ўтадиган мусобақада юртимиз шарафини ҳимоя қиладиган спортчиларимиз билан таништириб ўтамиз.

Ўзбекистон терма жамоаси таркиби қуйидагича кўриниш олган:

-62кг: Адҳам Эргашев

-69кг: Достон Ёкубов

-77кг: Шаҳзод Худойберганов

-85кг: Улуғбек Алимов

-94кг: Фарҳод Собиров

-105кг: Акбар Жўраев

-105кг: Иван Ефремов

+105кг: Рустам Жангабаев

 Қизлар:

-58кг: Муаттар Набиева

-75кг: Омадой Отақўзиева