11 сен 07:43
Янгиликлар

Бокс/ММА

АҚШнинг LFA Лигаси билан шартнома имзолаган Акбаржон Исломбоевнинг илк рақиби эълон қилинди. У марказий жангда чиқиш қилади + ПОСТЕР

Ярим енгил вазн тоифасида фаолият олиб борувчи 26 ёшли ўзбекистонлик аралаш яккакураш устаси Акбаржон Исломбоевнинг кейинги жанги тафсилотлари ойдинлашди.

Ҳамюртимиз 10 октябрь куни АҚШнинг Теннесси штати, Кларксвилл шаҳрида ташкил этиладиган ММА бўйича LFA 219 турнирида октагонга чиқади.

Юртдошимиз мусобақанинг асосий беллашувида австралиялик Исаак Томпсон билан тўқнаш келади. Жанг 3 раунд этиб белгиланган.

Маълумот ўрнида, Акбаржон Исломбоев фаолияти давомида ҳозиргача 11 та жанг ўтказиб, 10 та ғалаба ва 1 та дуранг қайд этган бўлса, 23 ёшли Томпсон ҳисобида 8 та ғалаба ва 2 та мағлубият бор.