Аргентина ва Месси ЖЧ-2026 да ҳали ҳеч ким енга олмаган "лаънат"га дуч келади

11 июнь куни ФИФА дунёнинг энг кучли терма жамоаларининг янгиланган рейтингини эълон қилди. Унда биринчи ўринни Аргентина эгаллаб турибди.

Испаниянинг машҳур "Marca" спорт нашри ёзишича, жаҳон чемпионатига ФИФА рейтинги пешқадами сифатида етиб келган терма жамоаларни таъқиб қилувчи қизиқарли "лаънат" мавжуд: шу пайтгача уларнинг ҳеч бири якунда жаҳон чемпиони бўла олмаган.

Франция 2022 йилда Қатарда бўлиб ўтган турнирда ушбу лаънатни парчалашга жуда яқин келган эди, бироқ финалдаги пенальтилар сериясида айнан Аргентинага имкониятни бой берди.

Эслатиб ўтамиз, ЖЧ-2026 гуруҳ босқичида Аргентинанинг рақиблари Жазоир (17 июнь), Австрия (22 июнь) ва Иордания (28 июнь) терма жамоалари бўлади.