30 мар 17:47
Янгиликлар

Теннис

Арина Соболенко Майамидаги иштирокини якунлади

АҚШнинг Майами шаҳрида теннис бўйича WTA 1000 тоифасига кирувчи турнир давом этмоқда.

Сайёрамизнинг иккинчи рақамли теннис маликаси Арина Соболенко мусобақадаги иштирокини 1/2 финал остонасида якунлади. Беларуслик теннисчи 87 дақиқа давом этган 1/4 финалда WTA рейтингида 74-поғонада бораётган руминиялик Сорана Кирстяга 4/6, 4/6 ҳисобида ютқазиб қўйди.

Бу теннисчиларнинг ўзаро ўтказган илк учрашуви эди. Ҳар иккала теннисчи 7 тадан эйс зарбасини амалга оширган. Қўшхатолар Соболенкода кўпроқ бўлди - 6 га 2! Брейклар Сорана фойдасига 4 га 2!