Арман Царукян: "Жангни муддатидан олдин якунламоқчиман"

Асли келиб чиқиши арманистонлик, ҳозирда Россия номидан жанг қилиб келаётган Арман рақибини муддатидан олдин мағлубиятга учратиб, ўзини енгил вазн тоифасида UFC чемпионлик камари учун биринчи рақамли даъвогар сифатида кўрсатмоқчи.

"Мен уни енгаман ва мақсадим сари бораман. Чемпионлик учун курашаман. У яхши жангчи, яхши зарба берувчи, лекин мен бошқа даража. Албатта, финишни ўйлаяпман, жангни муддатидан олдин якунламоқчиман. Менда 25 дақиқа вақт бўлади, шунинг учун шошилмайман. Финиш автоматик равишда келишини биламан. Худо хоҳласа, шундай бўлади", - деди Царукян жангдан олдинги матбуот анжуманида.

Агар Илия Топурия Ислам Махачевнинг чемпионлик камарига даъвогарлик қилиш учун ярим ўрта вазн тоифасига кўтарилса, Царукян бўш қолган камар учун лига унга қарши кимни қўйса, ўша билан жанг қилишга тайёр бўлади.

"UFC менга кимни берса, ўша билан жанг қилишга тайёрман. Гэтжи, Пэдди ёки Холлоуэй. Чарлз Оливейра - у сўнгги жангда ғалаба қозонди ва у ҳам навбатда турибди", - дея изоҳ берди Арман.