Арман Царукян кейинги жангини кимга қарши ўтказмоқчилигини маълум қилди

"Май ёки апрель охирида жанг беришса, буни қабул қилишга тайёрман. Ажойиб бўларди. Мен даъвогарлар билан, яъни кучли бешликдагилардан бири — Гэтжи ёки Оливейра билан жанг қилмоқчиман. Жастин энди чемпионлик учун курашмоқчи. Аммо унинг мен билан жанг қилиши мантиқан тўғри бўлади, чунки унга бошқа ҳеч ким чемпионлик имкониятини бермайди. Бу адолатсизлик бўларди. У камарга даъво қилиш учун мени ёки Чарлзни мағлуб этиши керак. Бундан ташқари, Илия Топурия ҳам бор.

Менимча, ташкилотчилар мен учун Оливейра, Гэтжи ёки Махачев билан жанг уюштиришади. Мен кучли бешликдаги ҳамма учун очиқман. Пастроқдагилар билан курашмоқчи эмасман, чунки мен асосий даъвогарман, чемпионлик учун жанг қилишим керак", дея Царукяннинг сўзларидан иқтибос келтиради MMA Mania нашри.