Арман Царукян: "Курашга чиққанимда юрагим урмайди"

Грепплинг бўйича ўтказилган беллашувда ғолиб аниқланмаган, жанг натижаси ҳакамлар томонидан дуранг дея эълон қилинган эди. Ўз ватандошлари кўз ўнгида курашган Царукян таассуротлари билан ўртоқлашди. 

"Таассуротларим нормал. Мен ё сабмишен ёки дурангни кутгандим - ютқазишим мумкин эмасди, чунки Шара курашдан қочиб, олти дақиқа югуришини билардим. Фақат муддатидан олдин ғалаба қозониш ташаббуси ташкилотдан чиқди, аммо кўпроқ вақт бўлиши керак эди. Регламент кўпроқ эди, лекин Шара беш дақиқалик курашни хоҳлади, кейин зўрға олти дақиқага келишиб олдик. Менинг вазифам уни чарчатиш ва финиш қилиш эди. Аммо у курашмади - шунчаки турди ва канатларда ҳимояланди. Бу билан Шара ўз ишини юз фоиз бажарди, мен эса деярли охирига етказдим", - деди россиялик жангчи Red Corner MMA нашрига берган интервьюсида.

Царукян агар бу ташкилотчилар ва жамоатчилик учун қизиқарли бўлса, Булет билан реванш жангини ўтказишга тайёрлигини тасдиқлади.

"Ҳа, албатта. Нега энди йўқ? Яхши хайп. Биз хайп қиляпмиз, одамлар хурсанд, матбуотда худди UFC’даги жанг каби шов-шув кўтарилди" - дея тушунтирди Арман.

Шунингдек, Царукян курашдаги зич жанглари жадвали унга қийинчилик туғдирмаётгани таъкидламоқда.

"Мен ҳатто курашга чиққанимда юрагим урмайди, чунки биламанки, бошимга зарба қабул қилмайман. Ҳар куни курашаман, машқ қиламан - бу мен учун жуда осон, бу ишни яхши кўраман. MMA эса бутунлай бошқача. У ерда катта масъулият, жиддий тайёргарлик бор, у ерда хатога йўл қўйиб бўлмайди", - дея хулоса қилди енгил вазн тоифасидаги UFC етакчиси.

Арман Царукяннинг навбатдаги гиламга чиқиши 10 январга режалаштирилган, ўша кун у АҚШдаги RAF 5 кураш турнирида икки карра PFL чемпиони Ленс Палмер билан куч синашади. 24 январь куни эса россиялик енгил вазн тоифасида Жастин Гэтжи ва Пэдди Пимблетт ўртасидаги вақтинчалик UFC чемпионлиги учун жангни суғурталамоқчи.