Арман Царукяннинг рақиби маълум, сана ва манзил ҳам + ПОСТЕР

Арман Царукян 14 ноябрь куни БАА пойтахти Абу-Даби шаҳрида бўлиб ўтадиган RAF профессионал кураш лигасининг учинчи халқаро турнирида иштирок этади. Унинг рақиби афсонавий бразилияликлар сулоласи вакили Нейман Грейси бўлади.

Царукян июль ойида RAF лигасидаги илк мағлубиятини қабул қилиб олганди: у RAF Crossover чемпионлик камари учун кечган баҳсда Колби Ковингтонга 3:5 ҳисобида ютқазиб қўйган эди. 23 октябрь куни эса 29 ёшли россиялик спортчи Лас-Вегасда бўлиб ўтадиган RAF 14 турнирининг марказий жангида америкалик Диллон Денисга қарши ўрта вазн тоифасидаги RAF Crossover чемпионлик камари учун кураш олиб боради.

Эслатиб ўтамиз, Арман Царукян 19 сентябрь куни муваффақиятли тарзда октагонга қайтганди. Ўшанда у Лос-Анжелесда бўлиб ўтган UFC 331 турнирида бразилиялик Маурисио Руффини биринчи раундаёқ нокаутга учратиб, дунёнинг энг кучли лигасидаги кетма-кет олтинчи ғалабасини қўлга киритди.

37 ёшли Нейман Грейси эса ММА`даги сўнгги жангини 2024 йилнинг август ойида PFL лигасида ўтказиб, ҳакамларнинг якдил қарори билан россиялик Магомед Умалатовга ютқазган эди. Ўтган ой эса бразилиялик спортчи Москвадаги турнирда RAF лигасидаги дебютини муваффақиятсиз бошлаб, Шарабутдин Магомедовга 3:11 ҳисобида имкониятни бой берган эди.