Арман Дикий жаҳон чемпионатида нима қиляпти? Авторитетнинг ўзи жавоб берди

Чемпионат давомида қозоқ боксчиларини ҳар томонлама қўллаб келаётган криминал авторитет Арман Дикий кўпчиликни қийнаётган саволга жавоб берди.

«Интернетда видео тарқалди ва саволлар бошланди, Арман жаҳон чемпионатида нима қиляпти? Мен чемпионатда АIBА меҳмониман. Аллоҳнинг изни билан боксчиларимизни қўллаб-қувватлаяпман.

Кеча мен ютқазган йигитларга пул берганим ҳақида шов - шув бошланди. Бу чўнтагимдаги пул, шу орқали йигитларни қўллаб - қувватламоқчи эдим. Жамоада 18 ёшли йигитлар бор, ҳали яна бошқа мусобақалар бўлади. Улар кўнгилларини туширмасликлари керак, негаки, улар мағлуб бўлишмади.

Афолатсиз ҳакамлик туфайли хафа бўлиб боксни тарк этиш ҳолатлари бўлмаслиги лозим. Бу яхши ниятда амалга оширилди. Ҳар бир қозоқ мен учун қадрли, йигитларга ёрдам беришдан миннатдорман. Ягона мақсадимиз - юртимиз шаъни ва мадҳиямизни бутун дунёга янгратиш», - дея Қозоғистон терма жамоасига мурожаат йўллади Дикий.