21 мар 11:59
Янгиликлар

Бокс/ММА

Артур Бетербиев: "Менга оилам билан бутунлай кўчиб ўтиш шарти қўйилди"

Яримоғир вазн тоифасида WВC, WВО ва IBF чемпиони Артур Бетербиев профессионал фаолиятини бошлаганидан кейин Канадага бутунлай кўчиб ўтишни истамаганини айтди.

Бироқ, боксчининг промоутерлари буни ундан талаб қилишди.

"Ўн йилдан бери Монреалдаман. Бу ерга кўчиб келганимда ҳаммамиз учун қийин бўлганди. Менга оилам билан бутунлай кўчиб ўтиш шарти қўйилганди. Промоушен мени танитиш учун шундай шарт қўйган эди.

Албатта, бошида бу фойда берди. Биринчи жангдан сўнг мени шаҳардагилар таний бошлашди. Кейин пул сарфлашлари керак бўлганда, улар мени судга беришди. Аввал менежерни, кейин эса промоутерни судга бердим. Бу одамлар менга сармоя киритишлари, фаолиятимни ривожлантиришлари керак эди. Лекин улар бунинг аксини қилишди", - деди Бетербиев.

Эслатиб ўтамиз, Артур Бетербиев фаолиятини якунлагач, Россияга қайтишни истаётганини айтган эди.