11 май 21:47
Янгиликлар
Бокс/ММА
Асадбек Қохоровнинг тожикистонлик тажрибали рақибга қарши жанги нокаут билан якунланди
Тошкент мезбонлигидаги ММА бўйича Octagon 72 турнирининг яна бир жанги ортда қолди.
Асосий карднинг иккинчи беллашувида ўзбекистонлик енгил вазнли ММА жангчиси Асадбек Қохоров Тожикистон вакили Фарҳод Давлатов билан тўқнаш келди.
Эҳтимолий даъвогарлар ўртасидаги баҳс иккинчи раунд аввалида якунига етди. Қохоров рақибини кетма-кет зарбалари билан нокаутга учратди.
Бу 24 яшар Асадбек учун фаолиятидаги ўнинчи жангида қўлга киритган еттинчи ғалабаси бўлди. Қохоровнинг ҳисобида учта мағлубият ҳам мавжуд.
Фарҳод Давлатов (8-5) эса бугун бешинчи мағлубиятини қабул қилишга мажбур бўлди. Давлатов ўз вақтида Муҳаммаджон Қурбонов, Мавлонбек Миркомилов каби спортчиларимизга ҳам имкониятни бой берган.
Ҳавола :
Манба : olamsport.com
Фикрлар