03 июл 14:10
Янгиликлар

Бокс/ММА

Аслида Шоҳжаҳон Эргашев рингга чиқиши керак бўлган Ованес Бачков иштирокидаги жанг 9-раундда тўхтатилди

Кеча оқшом Туркиянинг Истанбул шаҳрида IBA Pro 7 профессионал бокс турнири бўлиб ўтди.

Турнир доирасида Токио-2020 Олимпиадасининг бронза медали совриндори Ованес Бачков Жанубий Африка Республикаси боксчиси Холисани Ндонгенига қарши рингга кўтарилди. Жанг 9-раундда рефери томонидан тўхтатилди. Мураббийлар ринг марказига оқ сочиқ ташлашди, боиси Ндонгени нокдаун ҳолатига тушиб қолганди.

Шу тариқа, Ованес Бачков проф рингдаги 8-жангида 8-ғалабасини қўлга киритди. Жангларининг 7 тасини муддатидан аввал якунлаган. Аслида кеча арманистонлик боксчи ҳамюртимиз Шоҳжаҳон Эргашевга қарши жанг ўтказиши керак эди. Хабарда Эргашевнинг жароҳат олгани сабаб бу жангдан воз кечгани айтилмоқда.