Ассоциация ходимлари масофавий меҳнат фаолиятини давом эттиришяпти ФОТОРЕПОРТАЖ

Мутасаддиларимиз ассоциациядаги кунлик иш фаолиятларини масофадан туриб давом эттиришмоқда. Махсус очилган телеграм каналда ходимлар ўзаро маълумотларни алмашишяпти.    

Жумладан, ассоциациянинг халқаро бўлим етакчи мутахассис Маргарита Зайцева доимий равишда Бирлашган кураш (United World Wrestling) дунёси ва унга аъзо қолган федерациялар билан мулоқотда бўлиб турибди. 

"Бирлашган кураш дунёси аъзо барча мамлакат федерация ва ассоциацияларга сўнгги янгиликларни жўнатиб турибди. Биз ташкилот билан доимий мулоқотдамиз. Ўз ўрнида тегишли янгиликларни мураббийларимизга етказяпмиз", - дейди Зайцева.

Бош  ҳисобчи Ольга Богданова ҳам масофадан ишлаяпти. 

"Масофавий иш фаолиятимиздан ташқари фарзандлар билан дарс тайёрлаяпмиз. Бадиий китоблар мутолаа қиляпмиз. Карантин ҳолатида ҳам бекор ўтириш йўқ. Доимий ҳаракатдамиз. Енгил жисмоний машғулотларга ҳам вақт қоляпти", - дейди бош ҳисобчимиз. 

Бир сўз билан айтганда, карантин ҳолатида ҳам иш қизғин суратда давом этмоқда.