28 фев 12:18
Янгиликлар

Бокс/ММА

"Атаман" Физиев: "Макгрегор жуда кўп алкоголь истеъмол қилади"

Рафаэль Физиев Конор Макгрегор ҳақида фикр билдирди.

Енгил вазн тоифасида озарбайжонлик UFC жангчиси Рафаэль Физиев (12-1) мазкур вазннинг собиқ чемпиони, ирландиялик Конор Макгрегор (22-6) ҳақида фикр билдирди.

"Мен Конор Макгрегорни UFC Performance Institute'да кўрдим ва ўйладимки, у жуда кўп "оқшомлар"ни ташкил этади. Унда ҳар куни шунақа ҳолат юз беради. Унинг жуда кўп алкоголь истеъмол қилишини юзидан ҳам билиб олиш мумкин", - деди Физиев.

Маълумот учун, Конор Макгрегор айни дамда The Ultimate Fighter шоусининг 31-мавсумини суратга олиш ишларида иштирок этмоқда. Физиев эса 18 март куни Жастин Гэтжига қарши ўтадиган жангига тайёргарлик кўрмоқда.