20 фев 10:00
Янгиликлар
Футбол
"Атлетико"нинг асосий юлдузи Жаҳон чемпионатидан кейин "Барселона"га ўтади
Мадриднинг "Атлетико" ҳужумчиси Хулиан Альварес 2026 йилги Жаҳон чемпионатидан сўнг "Барселона"га ўтиши мумкин.
Аргентина форвардининг потенциал трансфер суммаси тахминан 70 миллион евро бўлиши мумкин. Бу ҳақда The Touchline TyC Sports журналисти Хюго Балассоннинг Х ижтимоий тармоғидаги саҳифасига таяниб хабар бермоқда.
Манбага кўра, 26 ёшли футболчи совринлар ютадиган жамоага ўтишни хоҳлайди.
Хулиан Альварес "Атлетико"да 2024 йил ёзидан бери ўйнамоқда. Жорий мавсумда аргентиналик барча турнирларда 35 та ўйинда майдонга тушиб, 13 гол урган ва 6 голли узатма берган. Футболчининг клуб билан амалдаги шартномаси 2030 йил ёзигача давом этади. Трансфермаркт портали ўйинчининг бозор қийматини 100 миллион евро деб баҳоламоқда.
Ҳавола :
Манба : The Touchline TyC Sports
Фикрлар