14 ноя 08:00
Янгиликлар

Теннис

ATP Finals. Алькарас гуруҳ босқичини юз фоизлик натижа билан якунлади

Дунёнинг биринчи ракеткаси Карлос Алькарас Италиянинг Турин шаҳрида ўтказилаётган ATP Якуний турнирининг гуруҳ босқич учинчи учрашувида ҳам ғалаба қозонди.

Испаниялик теннисчи ATP рейтингида тўққизинчи ўринни эгаллаб турган италиялик Лоренцо Музеттини ўз ватандошлари кўз ўнгида ортиқча қийинчиликсиз мағлубиятга учратди - 6/4, 6/1.

Саксон тўрт дақиқа давом этган баҳсда Алькарас 2, Музетти 3 та эйс зарбасини амалга оширган. Иккала теннисчи ҳам тўпни ўйинга киритишда бехато ҳаракат қилишди. Брейклар бўйича мутлақ устунлик табиийки, ғолиб теннисчи томонида бўлди - 3 га 0.

Учта учрашувнинг барида ғалаба қозонган Карлос Алькарас гуруҳ ғолиби сифатида 1/2 финалга чиқди. Лоренцо Музетти эса 1 ғалаба ва 2 мағлубият билан гуруҳда сўнгги ўринни эгаллади.