11 ноя 08:04
Янгиликлар

Теннис

ATP Finals. Тэйлор Фриц мезбон теннисчини таслим этди

Италиянинг Турин шаҳрида теннис бўйича йилнинг Якуний ATP турнири давом этмоқда.

Дунёнинг олтинчи ракеткаси америкалик Тэйлор Фриц ATP рейтингида 9-ўринни эгаллаб турган италиялик Лоренцо Музеттини 6/3, 6/4 ҳисобида мағлубиятга учратди. Бу билан Фриц теннисчиларнинг ўзаро учрашувларидаги ҳисоб мувозанатини ҳам тиклаб қўйди - 3:3.

Бир юз уч дақиқа давом этган баҳсда Фриц 13, Музетти 5 та эйс зарбасини амалга оширган. Қўшхатолар бўйича мутлақ "устунлик" мезбон ракетка устасида бўлди - 5 га 0. Брейклар бўйича эса табиийки, Тэйлор устунлик қилди - 2 га 0.

Жимми Коннорс гуруҳида 1-турдан сўнг Фриц пешқадамга айланиб олди. Дунёнинг биринчи ракеткаси Карлос Алькарас ҳисобида ҳам ғалаба бор ва у ютиб олинган геймлар фоизига кўра иккинчи ўриндан жой олган.