ATP рейтинги. 19 ёшли Руне Топ-10`да дебют қилди, Фомин 6, Дўстов 213 поғонага кўтарилди

Рейтингда ҳамон испаниялик Карлос Алькараз пешқадам бўлиб турибди. Унинг ватандоши Рафаэль Надаль иккинчи ўринни сақлаб қолди. Грециялик Стефанос Циципас 3-ўринга кўтарилиб олди. Россияликлар Даниил Медведев, Андрей Рублёв, канадалик Феликс Оже, норвегиялик Каспер Рууд, сербиялик Новак Жокович ўз эгаллаб турган ўринларидан пасайишди. 

Аксинча, кеча Париж "Мастерс" турнирида бош совринни қўлга киритган даниялик 19 ёшли Хольгер Руне фаолиятида илк бор 18-поғонадан 10-ўринга кўтарилиб олди. АҚШ вакили Тейлор Фритц ҳам Топ-10 теннисчилар сафига қўшилди. 

Мамлакатимизнинг биринчи ракеткаси Сергей Фомин ўтган ҳафтадаги ўрнига нисбатан 6 поғонага кўтарилиб, айни пайтда 375-ўринни эгаллаб турибди. Иккинчи ракеткамиз Денис Истомин аксинча 3 поғонага пастлаб, 450-поғонага жойлашди. Ҳумоюн Султонов 10, Максим Шин 8, Санжар Файзиев 49 ўринга пастлади. Ёш теннисчимиз Мустафо Дўстов 213 поғонага юқорилаб, ҳозирда 1516-ўринни банд этган. 

ATP рейтинги. 7 ноябрь кунги ҳолат

1. (1) Карлос Алькараз (Испания) - 6820 очко

2. (2) Рафаэль Надаль (Испания) - 5820

3. (5) Стефанос Циципас (Греция) - 5350

4. (3) Каспер Рууд (Норвегия) - 5020

5. (3) Даниил Медведев (Россия) - 4065

6. (8) Феликс Оже (Канада) - 3995

7. (9) Андрей Рублёв (Россия) - 3530

8. (7) Новак Жокович (Сербия) - 3320

9. (11) Тэйлор Фритц (АҚШ) - 2955

10. (18) Хольгер Руне (Дания) - 2911...

Ўзбекистонлик теннисчиларнинг АТР рейтингидаги ўрни:

375 (381). Сергей Фомин - 127

450 (447). Денис Истомин - 90

509 (499). Ҳумоюн Султонов - 68

1170 (1178). Максим Шин - 8

1205 (1156). Санжар Файзиев - 5

1516 (1729). Мустафо Дўстов - 3...