ATP рейтинги. Топ-10`да бир нечта ўзгаришлар, Султонов 28, Милушев 178 поғона кўтарилди

Икки ҳафта давом этган US Open турнири якунларига кўра янгиланган рейтингнинг дунё теннисчилари Топ-10`талигида бир нечта ўзгариш кузатилди. АҚШ Очиқ чемпионати ғолибига айланган Янник Синнер рейтингдаги пешқадамлигини янада мустаҳкамлаб олди. Италиялик ракетка устаси энди энг яқин таъқибчиси германиялик Александр Зверевни 4105 очкога ортда қолдирмоқда. Париж-2024 Олимпиадаси чемпиони Новак Жокович аксинча, иккинчи ўриндан тўртинчи поғонага тушиб кетди. Испаниялик Карлос Алькараз кучли учликка якун ясаб берган. US Open вице-чемпиони Тейлор Фритц эса 12-поғонадан 7-ўринга кўтарилиб олди.  

Янгиланган рейтингда уч нафар теннисчимиз ўз ўринларини яхшилаб олишди. Мамлакатимизнинг биринчи ракеткаси Ҳумоюн Султонов қўлга киритилган 26 очко эвазига 28 поғона кўтарилиб, 236-ўринни банд этиб турибди. Энг катта "сакраш"га Амир Милушев эришди. У 178 поғона юқорига кўтарилди. Иккинчи ракеткамиз Сергей Фомин эса 5 ўринга юқорилади. Аксинча, Максим Шин 1, Раҳимбек Иброҳимов 6 ўринга пастлади.  

ATP рейтинги. 9 сентябрь ҳолатига кўра Топ-10:

1. (1) Янник Синнер (Италия) - 11180 очко

2. (4) Александр Зверев (Германия) - 7075

3. (3) Карлос Алькараз (Испания) - 6690

4. (2) Новак Жокович (Сербия) - 5560

5. (5) Даниил Медведев (Россия) - 5475

6. (6) Андрей Рублёв (Россия) - 4645

7. (12) Тэйлор Фритц (АҚШ) - 4060

8. (7) Хуберт Гуркач (Польша) - 4060

9. (8) Каспер Рууд (Норвегия) - 4010

10. (9) Григор Димитров (Болгария) - 3965

Ўзбекистонлик теннисчиларнинг АТР рейтингидаги ўрни:

236 (264). Ҳумоюн Султонов - 243 

537. (542). Сергей Фомин - 70 

1132. (1131). Максим Шин - 9 

1512Т (1690T). Амир Милушев - 3 

1938Т (1932T). Раҳимбек Иброҳимов - 1