14 дек 13:19
Янгиликлар

Теннис

ATP "Йил кашфиёти"ни эълон қилди

Профессионал теннисчилар ассоциацияси 2022 йилги мавсум сарҳисобини давом эттирмоқда.

Хусусан, "Йил кашфиёти" номинациясида даниялик истеъдод эгаси Хольгер Руне ғолиб деб эълон қилинди. 2022 йилда у 3 та ATP турнири, шу жумладан финалда Новак Жоковични мағлуб этиб, Париж "Мастер" бош совринини ҳам қўлга киритди. У шунингдек, Топ-10 ATP рейтингида дебют қилди.

"Бу мукофот мен учун жуда муҳим. Йил давомида астойдил ишладим. Ҳамкасбларим мен учун овоз беришганларидан хурсандман. Яна бир мавсумни кўтаринки кайфиятда ўтказиш илинжида 2023 йилни сабрсиз билан кутяпман", - дея Руненинг сўзларини келтиради ATP матбуот хизмати.