02 дек 11:56
Янгиликлар

Теннис

ATP "Йил қайтиши" номинацияси бўйича 4 нафар даъвогарни эълон қилди

ATP бир нечта номинация бўйича якунланиб бораётган 2022 йилги теннис мавсумининг энг яъшиларини аниқлайди.

Жумладан, ташкилот "Йил қайтиши" номинация ғолиблиги учун 4 нафар даъвогарни эълон қилди. Хорватиялик Борна Чорич, австриялик Доминик Тим, швейцариялик Стэн Вавринка ва хитойлик Ву Жибиндан бири якунда ушбу номинация ғолиби бўлади.

Таъкидлаш жоиз, Чорич Турга елкасидаги жарроҳлик амалиётидан сўнг қайтганди. Тим - билак жароҳати, Вавринка - оёғидаги бирйўла учта операция, Жибин эса соғлиғи билан боғлиқ муаммолар сабаб оз эмас, кўп эмас, уч йиллик танаффусдан сўнг кортга қайтган эди. Жибин шунга қарамай, US Open турнирининг учинчи даврасига қадар етиб борганди.

Маълумот учун, ушбу номинация бўйича ғолиб теннисчиларнинг овоз бериш йўли билан аниқланади.