АТР рейтинги. Алькараз илк бор жаҳоннинг 4-ракеткаси, Истомин ҳам юқорилади

Ўтган ҳафта билан таққослаганда рейтингнинг Топ-10 талигида бир нечта ўзгариш кузатилди. Умагдаги турнир финалчиси, испаниялик Карлос Алькараз грециялик Стефанос Циципас билан ўрин алмашиб, илк бор жаҳоннинг 4-ракеткасига айланди. 

Сербиялик Новак Жокович 1 поғона юқорилаб, 6-ўринга жойлашган бўлса, норвегиялик Каспер Рууд аксинчаи бир поғона пастлади. Рейтингни ҳамон россиялик Даниил Медведев бошқариб бормоқда. 

Мамлакатимизнинг биринчи ракеткаси Сергей Фомин бу ҳафта рейтингдаги ўз ўрнини сақлаб қолган бўлса, иккинчи ракеткамиз Ҳумоюн Султонов 2 поғона пастлади. Тажрибали теннисчимиз Денис Истомин янгиланган рейтингда 11 ўрин юқорилашга эришиб, 427-поғонага жойлашди. 

ATP рейтинги. 1 август ҳолатига кўра Топ-10:

1. (1) Даниил Медведев (Россия) - 7625 очко
2. (2) Александр Зверев (Германия) - 6850
3. (3) Рафаэль Надаль (Испания) - 6165
4. (5) Карлос Алькараз (Испания) - 5035
5. (4) Стефанос Циципас (Греция) - 5000
6. (7) Новак Жокович (Сербия) - 4770
7. (6) Каспер Рууд (Норвегия) - 4685
8. (8) Андрей Рублёв (Россия) - 3575
9. (9) Феликс Оже (Канада) - 3445
10. (10) Янник Синнер (Италия) - 3395

Ўзбекистонлик теннисчиларнинг АТР рейтингидаги ўрни:

348 (348). Сергей Фомин - 124

424 (422). Ҳумоюн Султонов - 94

427 (438). Денис Истомин - 93

765 (753). Санжар Файзиев - 21

1157 (1177). Максим Шин - 5

1612 (1480). Жўрабек Каримов - 1

1612 (1480). Саидаъло Саидкаримов - 1