16 янв 11:14
Янгиликлар

Теннис

Australian Open. 18 ёшли Кори Гофф ғалаба билан бошлади

Австралиянинг Мельбурн шаҳрида мавсумнинг илк "Катта Дубулға" турнири старт олди.

Австралия Очиқ чемпионатининг илк даврасида дунёнинг еттинчи ракеткаси, америкалик Кори Гофф WTA рейтингида 48-поғонада бораётган чехиялик Катердина Синяковани 6/1, 6/4 ҳисобида мағлубиятга учратди.

Етмиш олти дақиқа давом этган баҳсда ҳар икки теннисчи ҳам биттадан эйс зарбасини амалга оширган. Теннисчиларнинг ўзаро учрашувларидаги ҳисоб америкалик фойдасига 4:1 кўринишига келди.

Энди Кори Australian Open турнирининг иккинчи даврасида британиялик Эмма Радукануга қарши кортга чиқади. Эмма ўз навбатида германиялик Тамара Корпачдан устун келди - 6/3, 6/2.