Australian Open. Амалдаги чемпион ҳимояга киришди

Сайёрамизнинг биринчи рақамли теннис маликаси Арина Соболенко чемпионлик ҳимоясини муваффақиятли бошлаб олди. Беларуслик теннисчи илк даврада WTA рейтингида 81-поғонада бораётган америкалик Слоан Стивенсни мағлубиятга учратди - 6/3, 6/2.

Теннисчиларнинг ўзаро учрашувларидаги ҳисоб йириклашиб кетди - 5:0. Етмиш икки дақиқа давом этган баҳсда Соболенко 1, Стивенс 2 та эйс зарбасини амалга оширган. Брейклар 5 га 2 кўринишида беларуслик фойдасига бўлди. Энди у иккинчи даврада Жессика Бузас Манейрога қарши кортга чиқади. Ўз ўрнида испаниялик теннисчи биринчи босқичда британиялик Сона Картални таслим этди - 6/1, 7/6(5).