20 янв 19:28
Янгиликлар

Теннис

Australian Open. Азаренко Остапенкони мағлуб этди

Австралиянинг Мельбурн шаҳрида теннис бўйича "Катта Дубулға" туркумига кирувчи йилнинг илк мусобақаси давом этмоқда.

WTA рейтингида 22-поғонада бораётган беларуслик Виктория Азаренко дунёнинг 10-ракеткаси, латвиялик Елена Остапенкони 6/1, 7/5 ҳисобида мағлубиятга учратди. Виктория Остапенкога ноқулай рақиба бўлиб қолмоқда. Ўзаро тўртта учрашувнинг барида Азаренко зафар қучган.

Саксон уч дақиқа давом этган баҳсда Азаренко 11, Остапенко 3 та эйс зарбасини амалга оширган. Қўшхатолар 3 га 2, брейклар 4 га 1 кўринишда беларуслик теннисчи фойдасига бўлди. Энди Азаренко тўртинчи босқичда украиналик Даяна Ястремскаяга қарши кортга чиқади.