Australian Open. Бугун аёллар ўртасида финал ўйини ўтказилади

Қозоғистон вакиласи Елена Рибакина ва беларуслик Арина Соболенко чемпионлик учун кураш олиб боради. Турнирда 22-рақам остида иштирок этган 23 ёшли Рибакина илк бор Australian Open финалига чиқди. Бунгача унинг энг яхши натижаси 2020 йилги турнирнинг учинчи босқичига чиқиш бўлган. Шу билан бирга, Елена "Катта Дубулға" турнирининг финали ва ундаги ғалаба нима эканлигини аллақачон яхши билади. 2022 йилда спортчи ҳал қилувчи баҳсда тунислик Онс Жаберни мағлуб этиб, сенсацион тарзда "Уимблдон"да ғалаба қозонганди.

Бешинчи рақам остида таснифланган 24 ёшли  Соболенкога келсак, у аввал Австралия Очиқ чемпионатининг тўртинчи босқичидан нарига ўта олмаган. Ва ниҳоят, "Улкан Тож" турнирларининг ярим финалидаги муваффақиятсизликлар сериясини тўхтатди. Бунгача Арина "Катта Дубулға" турнирида уч марта кучли тўртликка кирган, аммо ҳар сафар мағлубиятга учраган: 2021 йилда "Уимблдон" ва US Open, 2022 йилда US Open мусобақаларида.

Соболенко айни пайтда жаҳон рейтингида 5, Рибакина эса 25-ўриндан жой олган. 

Финал баҳси Тошкент вақти билан 13:30 да старт олади. Учрашув "Род Лэйвер Арена"да бўлиб ўтади.