Australian Open. Даниил Медведев енгил ғалаба билан бошлади

Австралия Очиқ чемпионатининг эркаклар ўртасидаги баҳсларида дунёнинг саккизинчи ракеткаси Даниил Медведев енгил ғалабани қўлга киритди. Россиялик теннисчи илк даврада рейтингнинг 56-поғонасида бораётган америкалик Маркос Хиронга учтагина гейм берди холос - 6/0, 6/1, 6/2. 

Теннисчиларнинг ўзаро иккинчи учрашувида ҳам Медведев ғалаба нашидасини сурди. Бир соату 37 дақиқа давом этган баҳсда Даниил 9 та эйс, 4 та қўшхато ва 7 та брейкни расмийлаштирди. 

Энди Медведев Австралия Очиқ чемпионатининг иккинчи даврасида мезбонлар вакили Жон Миллманга қарши кортга чиқади. Австралиялик теннисчи биринчи босқичда швейцариялик Марк-Андреа Хуслердан беш сет давом этган учрашувда устун келди - 6/7(8), 7/5, 6/7(2), 6/2, 6/3.