21 янв 20:00
Янгиликлар

Теннис

Australian Open. Донна Векич рақибасига 4 та гейм берди

WTA рейтингида 62-поғонада бораётган Донна Векич Австралия Очиқ чемпионатининг тўртинчи даврасига йўл олди.

Хорватиялик теннис маликаси 65 дақиқа давом этган учинчи босқичда дунёнинг 75-ракеткаси бўлиб турган испаниялик Нурия Парризас-Диасни 6/2, 6/2 ҳисобида мағлубиятга учратди. Бу теннисчиларнинг ўзаро ўтказган илк учрашуви эди.

Векич 5 та эйс, 6 та брейк-пойнтни амалга оширди. Қўшхатога йўл қўймади. Энди у Australian Open турнирининг навбатдаги босқичида чехиялик 17 ёшли Линда Фрухвиртовага қарши кортга чиқади.