27 янв 12:23
Янгиликлар

Теннис

Australian Open. Эркаклар ўртасидаги мусобақада илк финалчи маълум

Мельбурн шаҳри мезбонлигида ўтаётган "Катта Дубулға" туркумига кирувчи Австралия Очиқ чемпионати ўз якуни сари яқинлашмоқда.

Бироз аввал эркаклар ўртасидаги мусобақанинг яккалик баҳсларида илк финалчининг номи маълум бўлди. Ярим финалнинг дастлабки ўйинида ATP рейтингида 20-поғонада бораётган россиялик Карен Хачанов дунёнинг 4-ракеткаси грециялик Стефанос Циципасга имкониятни бой берди - 6/7(1), 4/6, 7/6(6), 3/6.

Уч соату 21 дақиқа давом этган баҳсдан сўнг теннисчилар ўртасидаги ўзаро учрашувлардаги ҳисоб янада йириклашди - 6:0. Хачанов 10, Циципас 18 та эйс зарбасини амалга оширган. Циципас фаолиятида илк бор Australian Open финалида ўйнайди. Унинг рақиби бироздан сўнг бошланадиган Новак Жокович - Томми Поль учрашувидан сўнг аниқланади.