22 янв 17:12
Янгиликлар

Теннис

Australian Open. Корда ҳал қилувчи тай-брейкда Гуркачни таслим этди

Дунёнинг 11-ракеткаси Хуберт Гуркач ҳам Австралия Очиқ чемпионатидаги иштирокини эрта якунлади.

ATP рейтингида 31-поғонада бораётган америкалик Себастьян Корда польшалик номдор рақиби Хуберт Гуркачни беш сет давом этган учрашувда мағлубиятга учратди - 3/6, 6/3, 6/2, 1/6, 7/6(7).

Теннисчилар 3 соату 29 дақиқа давомида кортда ҳаракат қилишган. Уларнинг ўзаро учрашувларидаги ҳисоб мувозанати тикланди - 1:1. Корда 8, Гуркач эса 19 та эйс зарбасини амалга оширган. Энди Корда Australian Open 1/4 финалида россиялик Карен Хачановга қарши кортга чиқади.