20 янв 13:53
Янгиликлар

Теннис

Australian Open. Рожер Федерер илк давра учрашувини ўтказди

Австралиянинг Мельбурн шаҳрида "Катта Дубулға" туркумига кирувчи йилнинг илк турнири давом этмоқда.

Сайёрамизнинг учинчи ракеткаси Рожер Федерер яккалик баҳсларидаги илк учрашувини ўтказди. Швейцариялик теннис афсонаси рейтингнинг 81-поғонасидан жой олиб турган америкалик Стив Жонсонга қарши баҳс олиб борди.

Федерер 1 соату 24 дақиқа давом этган учрашувда рақибини 6/3, 6/2, 6/2 ҳисобида мағлуб этди. Энди Рожер Australian Open турнирининг иккинчи даврасида франциялик Кантен Гали ҳамда сербиялик Филип Крайинович учрашуви ғолибига қарши кортга чиқади.