23 янв 16:08
Янгиликлар

Теннис

Australian Open. Рублёв - Руне учрашуви ғолиби 5 сетда аниқланди

Мельбурн шаҳри мезбонлигида ўтказилаётган Австралия Очиқ чемпионатининг навбатдаги кунги баҳслари бошланди.

Бироз аввал эркаклар ўртасидаги турнирда тўртинчи давранинг муросасиз учрашуви якунига етди. Унда дунёнинг олтинчи ракеткаси, россиялик Андрей Рублёв ATP рейтингида 10-поғонада бораётган даниялик Хольгера Рунени қийинчилик билан мағлубиятга учратди.

Уч соату 39 дақиқа давом этган беш сетлик баҳс якунида Рублёв 6/3, 3/6, 6/3, 4/6, 7/6(9) ҳисобларида ғалаба қозониб, кейинги даврага йўл олди. Теннисчиларнинг ўзаро учрашувларидаги ҳисоб мувозанати тикланди - 1:1.

Андрей Рублёв 22, Хольгер Руне эса 8 та эйс зарбасини амалга оширган. Иккала теннисчи ҳам 5 тадан брейкка эришди. Қўшхатолар эса Рунеда уч баробар кўпроқ бўлди - 12 га 4! Россиялик теннисчининг навбатдаги рақиби Новак Жокович - Алекс Де Минаур учрашувида аниқланади.