Australian Open'нинг аёллар ўртасидаги баҳсларига қуръа ташланди

Унга кўра, сайёрамизнинг биринчи ракеткаси польшалик Ига Свёнтек турнир стартида германиялик Жули Нимайер билан учрашади. Америкалик Жессика Пегула (3) эса руминиялик  Жаклин Кристиан билан куч синашади.

Иккинчи рақам остида сараланган тунислик Онс Жабер иккинчи босқичга чиқиш учун словениялик Тамара Зидансек билан беллашади. Тўртинчи рақам остида таснифланган франциялик Каролин Гарциянинг рақиби саралаш босқичидан ўтган теннисчи бўлади.

Қуръа ташлаш маросимининг тўлиқ жадвали билан шу ерда танишиб олишингиз мумкин.

Эслатиб ўтамиз, ушбу нуфузли мусобақада мамлакатимиз вакиллари иштирок этмайди. Кеча биринчи ракеткамиз Нигина Абдураимова турнирнинг саралаш баҳслари 2-босқичида ютқазиб қўйиб, асосий тўрга чиқиш имкониятини бой берди.