14 окт 13:18
Янгиликлар
Бокс/ММА
Авазбек Холмирзаев кейинги жангини ноябрь ойида ўтказади
Ўта енгил вазн тоифасида жанг қилувчи 24 ёшли ўзбекистонлик аралаш яккакураш устаси Авазбек Холмирзаевнинг навбатдаги жанги тафсилотлари маълум бўлди.
Ҳамюртимиз 7 ноябрь куни Бангкок шаҳрида (Таиланд) ташкил этиладиган ONE Fight Night 37 турнирида иштирок этади.
Холмирзаевга ўша куни Жанубий Африка Республикаси вакили Вилли ван Рооен рақиб бўлиши кутилмоқда.
Авазбек сўнгги жангини июль ойида япониялик Татсумитсу Вадага қарши ўтказиб, очколар ҳисобига кўра ғолиб бўлганди. У фаолияти давомида ҳозирга қадар 13 та ғалаба ва 2 та мағлубият қайд этган. Вилли ван Рооен ҳисобида эса 7 та жангда қўлга киритилган 7 та ғалаба мавжуд.
Ҳавола :
Манба : oktagonda
Фикрлар