Авлиёхон Ҳамидов Тошкентда жанг қилади, рақиб аниқ (ПОСТЕР)

Мусобақадан ўрин олган навбатдаги баҳс маълум бўлди.

Ташкилотчиларнинг хабар беришича, турнир доирасида ўзбекистонлик таниқли аралаш якка кураш устаси Авлиёхон Ҳамидов Қирғизистон вакили Нуристан Бакитбек Уулуга қарши тўқнаш келади. Беллашув ярим енгил вазн тоифасида ўтказилади.

Маълумот ўрнида, 34 ёшли Авлиёхон Ҳамидов ҳозирга қадар 20 та жанг ўтказиб, 12 та ғалаба, 7 та мағлубият ва 1 та дурангни ўз ҳисобига ёздирган. Нуристан Бакитбек Уулу ҳисобида эса 6 та ғалаба ва 3 та мағлубият бор.

Octagon 75 турнирининг марказий жанги ҳамюртимиз Азамат Нуфтиллаев ва россиялик Даниял Элбаев ўртасида оғир вазн тоифасидаги вақтинчалик камар учун бўлиб ўтади.